Një aksident i rëndë ka ndodhur këtë pasdite në qytetin e Sarandës.
Një çiklist me shtetësi italiane është aksidentuar duke dalë nga rruga, dhe për pasojë ka pësuar dëmtime të rënda.
Pas ndihmës së parë, u vu re se gjendja e tij ishte me probleme shqetësuese. Çiklisti kishte dëmtim të ansive të sipërme dhe të poshtme me laceracione, plagë të hapura dhe dyshim për dëmtim të tendinave të ansive të sipërme.
Çiklisti i identifikuar si Massimo Rossa është transportuar me helikopter për në drejtim të Tiranës.
Ai ishte pjesë e një turi çiklistik italian.
