Dosja.al ka zhvilluar një intervistë me deputetin Gjetan Gjetani, i dalë nga lista e Partisë Socialiste, por i përjashtuar.
Në prag të zgjedhjeve lokale të qershorit, Gjetan Gjetani e konsideron kandidatin e PS-së për Lezhën, deputetin Pjerin Ndreu, si të pabesë. Ai shprehet se qytetarët para se të votojnë, duhet t’i bëjnë pyetje vetes se çfarë e lidh Pjerin Ndreun me Lezhën.
Pjerin Ndreu, miku dhe kolegu juaj do të kandidojë në Bashkinë e Lezhës. A keni ju influencë në atë bashki? A do ta ndihmoni Pjerin Ndreun?
Edhe pse më duket pyetje provokuese do përgjigjem. Është e vërtetë që e kam koleg, por nuk është e vërtetë që është miku im. Unë nuk kam miq ata që janë të pabesë. Qytetarët e Lezhës, duhet t’i bëjnë një pyetje vetes përpara se të shkojnë të votojnë, çfarë e lidh Pjerin Ndreun me Lezhën!
