Kryefjala e lajmeve të djeshme ishte sherri mes kryetares së Partisë Socialiste në Tiranë dhe Kryeministrit Edi Rama, gjë e cila thuhej se solli dhe shkarkimin e saj nga detyra.
Deri më tani nuk ishim asnjë reagim nga deputetja dhe as nga Kryeministri Rama, por mesa duket Gjylameti ka vendosur të flasë në studion e Opinion në News 24.
“Unë jam në detyrë. Të gjitha të tjerat janë spekulime të ditës. Do të flisja për ato çfarë arritëm në atë Kongres dhe jo për këto. Kemi një projekt të madh për të çuar përpara. Unë vazhdoj të punoj për projektin “Shqipëria që duam” më shumë se sa të dëgjoj çfarë thotë një individ apo një tjetër”,– u shpreh ajo.
E pyetur për marrëdhëniet me kryebashkiakun Veliaj, i cili do të jetë sërish kandidat i PS-së për zgjedhjet vendore, Gjylameti tha se me të ka bashkëpunim të mirë me fokus tek njerëzit.
