Ajo që është venë re në Kongresin e Partisë Socialiste është mungesa e Fatos Nanos, për të cilin u përfol aq shumë se do të ishte i pranishëm, si një i ftuar special.
Në fakt është e kundërta, pasi Fatos Nano nuk është prezent, ndërsa nga ana tjetër nuk kanë të sosur risitë në Kongres. Kujtojmë se Kongresi është i ndarë në tre seanca dhe ish-kryeministri Nano mund të shfaqet më vonë përpara socialistëve.
Drejtuesit e Partisë Socialiste nuk kanë lejuar gazetarët dhe fotografët të hyjnë brenda sallës ku po zhvillohen punimet e kongresit. Gazetarët janë detyruar të qëndrojnë në hollin e Pallatit të Kongreseve, për ta ndjekur mbledhjen në televizionet ‘led’ që janë vendosur aty dhe në sheshin ‘Nënë Tereza’.
