Fermerët kanë bllokuar rrugën nacionale Korçë-Kapshticë. Fermerë prodhues dhe grumbullues të produkteve bujqësore, kryesisht molle, në bahskinë e Devollit, protestojnë për kalbjen e prodhimeve të tyre nga braktisja e qeverisë dhe pabarazia.
Në shenjë proteste ata kanë mbuluar rrugën kombëtare me mollë, të pashitura nga prishja e rregullave të tregut.
Fermerët kanë publikuar 3 kërkesa kryesore:
1. Mbrojtja e prodhimit vendas nëpërmjet ngritjes së referencës doganore
2. Shfuqizimi i ligjit për TVSH në bujqësi. Ligji i ri parashikon që grumbulluesve t’u rimbursohet tvsh për produktet vetëm 6%.
3. Krijimin e mundësive të reja për treg, duke lidhur marrëveshje vendet që konsumojnë më shumë produktet bujqësore shqiptare.
