Policia greke ka shkatërruar një grup kriminal i cili merrej me trafikun e qenieve njerëzore dhe shfrytëzimit të prostitucionit.
Sipas policisë janë arrestuar 16 persona, anëtarë të këtij grupi shtetas shqiptarë e grekë. Mes tyre është dhe kreu i grupit kriminal, një 37-vjeçar shqiptar.
Sipas mediave greke, ata shfrytëzonin 37 femra si prostituta në Greqi, të cilat ishin kryesisht nga Shqipëria, Rumania, Ukraina, Moldavia por dhe nga Greqia.
Klientët paguanin 70-150 euro për një takim, ndërsa grupi fitonte deri në 5000 euro në ditë. Gjithashtu policia ka sekuestruar 8 makina, 1 motor dhe 25.000 euro.
