U përfol se programi jashtëzakonisht i suksesshëm televiziv, “Hell’s Kitchen” mund të zhvendosej në një ekran tjetër, ndërsa shumë aluduan se shef Renato do të merrej me një projekt të ri.
Ka qënë vetë Mekolli ai që ka shuar zërat për një transferim të tij duke sqaruar një herë e mirë publikun.
“Në Top Channel, ‘Hell’s Kitchen Albania 2’. Nëse marrëdhëniet janë të shkëlqyera dhe angazhimi për 2 emisione në vit është maksimal nga të dy palët, nuk ka arsye për lëvizje drejt një televizioni tjetër, apo jo? Kjo përgjigje publikohet për shkak të ‘zhurmave’ dhe pikëpyetjeve të ditëve të fundit, nëse jam në bisedime me ‘Tv Klan’ për ndonjë projekt të ri televiziv. Gjithmonë ka pasur bisedime dhe do të ketë gjithmonë, miqësore sigurisht. Por për projektet e mia televizive, vazhdoj në ‘Top Channel’. Faleminderit”, shkruan Mekolli në “Instagram”.
https://www.instagram.com/p/BtUKKj_hBod/?utm_source=ig_embed&utm_campaign=embed_video_watch_again
