Avokatja e njohur Eni Çobani është përfshirë në një aksident disa ditë më parë.
Aksidenti ndodhi 5 ditë më parë në hyrje të Bajram Currit. Vetë zonja Çobani ka rrëfyer për ato momente të vështira që përjetoi, ku fatmirësisht nuk pati të lënduar.
‘’Jam shumë e tronditur”, shprehet ajo për BW.
Çobani ka qene nën shoqërinë e katër mikeshave të saj, mes tyre edhe politikania e njohur, njëherësh ish-ministrja për Dialog e Kosovës, Edita Tahiri. Ato janë përfshirë në një aksident mbrëmjen e së dielës (27 janar) rreth orës 23:50 në hyrje të Bajram Currit, në vendin e quajtur “Kthesa e Xhanës”.
Mësohet se makina tip Audi Q5 që drejtohej nga zonja Çobani ka dalë nga rruga e ka rënë poshtë urës duke u rrokullisur. Në makinë me të e Tahirin ndodheshin edhe Pranvera Vatoci e Rezi Metaliaj. Zonjat ktheheshin nga një darkë së bashku e fatmirësisht nuk kanë marrë plagë të rënda.
