Arrestohet autori i grabitjes në Memaliaj disa ditë më parë.
Burime bëjnë me dije se Ilirjan Korbi, 29 vjeç, banues në Paskuqan, u vu në pranga nga policia e Shkodrës.
Ai u ndalua në pranga paraditen e sotme rreth orës 10.00.
Burime policore thanë se ai kishte disa ditë që qëndronte në Shkodër.
I arrestuari, ishte shpallur në kërkim, pasi një javë më parë, ai dhunoi dhe grabiti dy të moshuar, në dyqanin e tyre në Memaliaj.
Mustafa Mustafai i cili u dërgua në spitalin e Gjirokastrës pasi kishte marrë një plagë në kokë, tha se, pak para ngjarjes, ai ishte grindur me një person në lokalin e lagjes, ndërsa sulmi i është bërë në dyqanin e tij me qytën e pistoletës ku punonte si kambist me bashkëshorten e tij Thëllëze Mustafai 67 vjeçe. Të dy morën plagë të rënda.
Burri 70 vjeçar dhe bashkëshortja pasi morën ndihmën mjekësore në spital u larguan për në shtëpi. Shuma e grabitur sipas policisë është 500 mijë lekë të vjetra dhe një telefon.
