Opozita i është rikthyer komisioneve parlamentare si dhe njoftoi se do të marrë pjesë pjesërisht në mbledhjet e kuvendit.
Pjesëmarrja e tyre ka filluar që me ditën e sotme, me punimet në komisionet kryesore.
Një nga porositë kryesore të kreut të PD, Lulzim Basha ishte fokusi tek ligji për arsimin e lartë, ku deputetët do të angazhoheshin për të premtuar zgjidhje për studentët.
Së fundmi, kryetarja e Komisionit të Medias dhe Informimit, Albana Vokshi ka bërë një kërkese publike për ministrin Sandër Lleshaj.
Kërkesa lidhet me faktin e ndërhyrjes së policisë në ambjentet universitare. Vokshi kërkoi që ai të thirret në interpelancë lidhur me arsyen pse lejoi policinë të hynte në universitete, në kohën kur atje protestohet.
Ndërkohë, vetë Lleshaj më herët deklaroi se ndërhyrja e policisë ishte bërë me kërkese të vetë institucioneve.
Nga komisioni parlamentar:
https://www.facebook.com/partiademokratike/videos/282159412456537/
