Ka përfunduar seanca për Klement Balilin tek Gjykata e Krimeve të Rënda. Avokati i Balilit, Theodori Sollaku ka dorëzuar kërkesën për gjykim të shkurtuar për Balilin, e quajtur si “Eskobari i Ballkanit”.
Pak më parë u ndërpre seanca për Balilin me pretendimin që ky i fundit ka dashur që ta bëjë personalisht këtë kërkesë.
Balili nuk ka pranuar akuzat e ngritura ndaj tij, teksa Gjykata e Krimeve të Rënda e ka lënë në burg pa afat deri në fund të procesit.
Balili akuzohet për “Trafikim të lëndëve narkotike në bashkëpunim, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.
