Protesta e studentëve padyshim i dha goditjen më të madhe qeverisë dhe gjithë sistemit.
Pas 8 kërkesave të tyre ka ende probleme të cilat burimin e kanë nga ligji i arsimit të lartë, ku shumë kritikë, pedagogë dhe intelektualë e kanë cilësuar si të dështuar dhe ndryshimi nis me abrogimin e tij.
Studentët kanë pezulluar për shkak të festave të fundvitit protestën, për tu rikthyer sërish në Janar. Por disa prej tyre, vazhdojnë të vijnë në Kryeministri, duke lënë dhe dhurata simbolike.
Pas kartolinave me 8 kërkesa për kryeministrin, dy studentë sot kanë sjellë një dhuratë tjetër për Kryeministrin, i cili vazhdon të mos shfaqë masa konkrete për situatën e tyre.
’Të kemi bërë dhuratë një palë pantallona që të jesh më serioz dhe Kushtetutën e vendit që ta respektosh”,shprehen studentët.
