Deputeti demokrat Ervin Salianji dhe kryedemokrati Lulzim Basha janë thirrur në Prokurori për të dëshmuar ditën e premte.
Deputeti Salianji do të pyetet në lidhje me video-përgjimin e Fredi Alizotit, menjëherë pasi ai bëri publike videon në emisionin ‘Opinion’.
Vetë Salianji është ai i cili e ka konfirmuar lajmin në një intervistë për Fax News.
Sa i përket thirrjes së Lulzim Bashës në Prokurori, Salianji u shpreh, “Në dijenin time Basha është thirrur për një çështje tjetër”, tha Salianji duke shtuar se ka dhe çështje të tjera të cilat po hetohen nga Prokuroria, si çështja e Xhisiela Malokut dhe “Toyota Yaris”.
Deputeti i Partisë Demokratike Ervin Salianji ka publikuar në emisionin “Opinion” një video të fshehtë ku është filmuar Fredi Alizoti i dosjes “Babalja”, i cili rrëfen se është përdorur nga policia.
Në videon e transmetuar në “Opinion”, deputeti Salianji tha se Fredi Alizoti nuk ishte në dijeni që po filmohej, teksa rrëfente se është marrë nga policia për të deklaruar se është ai personi që bënte zërin e Agron Xhafajt duke folur në telefon me “babalen”.
https://www.facebook.com/SaliBerisha/videos/322691231851863/
