Një aksident ka ndodhur pasditen e kësaj të shtune tek ura e Milotit në Lezhë, ku një kamion dhe një veturë janë përplasur me njëra-tjetrën. Fatmirësisht nga aksidenti nuk ka persona të lënduar.
Sipas informacioneve të policisë mësohet se autoveturës i është shpuar goma, ndërsa kamionit i është çarë depozita e karburantit.
Policia ka mbërritur menjëherë në vendin e ngjarjes, ka marrë në pyetje drejtuesit e mjeteve për të zbardhur rrethanat e aksidentit.
