Zjarri në pyllin e Semanit po përhapet dhe po punohet me 60 forca zjarrëfikëse për të shuar zjarrin. Zjarri kishte nisur në orët e para të mëngjesit dhe me ndërhyrjen e zjarrëfikësve ishte neutralizuar. Por më vonë ka rinisur dhe dyshohet se është i qëllimshëm.
Zjarri ka djegur rreth 2 hektarë me pisha dhe shkurre, ku vatra ku nisi zjarri është në vendin e quajtur ‘Pompa e Semanit’.
Fatmirësisht nuk ka patur banesa apo biznese afër me pyllin. Në vendondodhje ishte dhe Prefekti i Fierit, Baki Bala i cili ka kërkuar që qytetarët të jenë më të kujdesshëm.
Ndërkohë forcat e emergjencave po punojnë për shuarjen e tyre.
