Një 39 vjeçari i ka dhënë fund jetës së tij në Gramsh. Ai u gjet i varur nga familjarët.
Ngjarja ndodhi në fshatin Kukur. Burime zyrtare nga policia bënë me dije se ndonëse ai është tentuar që të shpëtohet nga familjarët, shtetasi me inicialet L.Sh., ka ndërruar jetë rrugës për në spitalin e Gramshit.
Nga këqyerja paraprake e ekspertëve mjeko-ligjor nuk rezulton se shtetasi L.Sh është dhunuar apo të jenë konstatuar faktorë të tjerë nga ato të vetëvrasjes.
Dyshohet se 39 vjeçari vuante nga depresioni. Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut.
