Këtë të hënë gjyqtari i Apelit Ervin Metalla është përjashtuar nga ana e Vettingut, i cili e gjeti atë të papërshtatshëm për kryerjen e kësaj detyre.
Komisioni i Pavarur i Kualifikimit konkludoi se Metalla ka manovruar në mënyrë të dyshimtë me një kredi të butë për një arpartament të tij.
Por ajo që ka habitur jo pak, ka qenë reagimi i gjyqtarit në rrjetin social. Metalla ka reaguar ndaj vettingut përmes një poezie të cilën mund ta lexoni më poshtë:
KU TA DIJA UNE I VARFRI
Mora pushkën dola malit,
Të luftoja për atdhe,
Ku ta dija unë i varfri,
Se armiku ishim ne.
Mora pushkën, dola malit
Të luftoja per liri,
Ku ta dija une i shkreti
Se armiku ishe ti.
Mora pushkën dola malit
Të luftoja ne furtunë;
Ku ta dija une i ngrati
Se armiku isha unë.
