Disa të shtëna me armë zjarri kanë ndodhur gjatë mbrëmjes së kaluar në një lokal në Dhërmi.
Burimet thonë se ngjarja ka ndodhur rreth orës 01:00 në lokalin ‘Havana’ i cili ishte i mbushur me njerëz duke festuar. Përplasja me armë ka ardhur pas një konflikti mes disa të rinjve të cilët më pas kanë nxjerrë armët.
Bazuar në raportimet paraprake të të pranishmëve, 1 person dyshohet të ketë ndërruar jetë e katër të tjerë të jenë plagosur.Gjithashtu bëhet me dije se përplasja me armë ka zgjatur rreth 10 minuta.
U tha se kishte një të plagosur, ndërkohë nga policia mësohet zyrtarisht të mos kemi nga të shtënat asnjë të plagosur, ndërsa vijojnë hetimet për zbardhjen e plotë të shkaqeve dhe rrethanave të ngjarjes.
