Lidhja e tyre nuk u konfirmua asnjëherë nga palët, e megjithatë të gjithë i shihnin si një çift të dashuruarish sa herë që shfaqeshin bashkë. Këtë radhë, janë fansat e këngëtarëve Elvana Gjata dhe Flori Mumajesit që kërkojnë rikthimin e një prej çifteve më të pëlqyera të showbiz-it shqiptar.
Postimet e fundit të dy këngëtarëve, i kanë bërë fansat të mendojnë se Elvana dhe Flori po komunikojnë me njëri-tjetrin me mesazhe të koduara.
Në fillim ishte Flori ai që publikoi cover-in e këngës së Aurela Gaçes, “Të dua”. Më pas Elvana publikoi një foto shumë të ngjashme me atë të Florit me shprehjen: Ku vajti?? Dashuria??
Postimi i saj pati reagime të shumta nga fansat që mendojnë se kjo ishte një përgjigje ndaj cover-it romantik të Florit.
Ndërkohë, Elvana sapo ka publikuar këngën më të re me titull ”Ku vajti”, e cila në tekst, flet për një dashuri të larguar dhe pa hile të Elvanës. A ia ka dedikuar Florit vallë??
