Më vjen keq që ne po promovojmë që persona të tillë të lartësohen në këtë mënyrë”, është shprehur Rudina Hajdari .
Rudina Hajdari, e bija e Azem Hajdarit, tashmë deputete, nuk ka zgjedhur të qëndrojë e heshtur pas vendimit për dekorimin e Mazrekut.
Deputetja e ka cilësuar si një akt të shëmtuar për popullin shqiptar, për shkakun se vetë Mazreku ishte njeriu që bëri një akt të tillë.
Me 13 vota pro dhe 1 abstenim, Këshilli Bashkiak i Hasit shpalli Gafurr Mazrekun, “Qytetar Nderi”, me motivacionin “Personalitet Intelektual, me kontribut të pashoq ne Pushtetin Vendor”.
Në historinë shqiptare Gafurr Mazrreku njihet si i vetmi njeri që ka shkrehur një armë në ambientet e Parlamentit. Ishte viti 1997 kur Mazreku, atëherë deputet i Partisë Socialiste, qëlloi në drejtim të rivalit të tij demokrat, Azem Hajdari, duke e plagosur atë. Për këtë, Gafurr Mazreku u dënua me 8 vjet burg, ndërsa 21 vjet më pas nderohet nga Këshilli Bashkiak i Hasit.
