Krimet e Rënda kanë organizuar një operacion të gjërë për goditjen e një grupi trafikantësh droge. Mësohet se operacioni është kryer në të gjithë vendin ku dhe janë arrestuar deri më tani 19 persona, 14 prej tyre në Shqipëri dhe 5 të tjerë jashtë vendit.
Nga momenti në moment pritet të mësohen detaje të tjera, pasi operacioni është ende duke u zhvilluar.
Hetimet ndaj grupit të trafikantëve kanë nisur prej disa muajsh nga Krimet e Rënda. Më herët jashtë vendit është bllokuar një sasi e konsiderueshme hashashi.
Burimet policore konfirmojnë se operacioni po zhvillohet në të njëjtën kohë në Tiranë, Tepelenë, Maliq dhe Gjirokastër.
Në shënjestrën e Krimeve të Rënda janë vënë shqiptarët që trafikonin kryesisht hashash nëpërmjet Greqisë dhe Maqedonisë, me destinacion Turqinë.
Në Gjrokastër raportohet të jetë kapur një sasi hashashi e pa peshuar ende, por sipas burimeve i kalon 500 kg.
Po ashtu flitet për dy të arrestuar në Gjirokastër, një në Maliq dhe disa të tjerë në Tiranë.
Policia e Shtetit ka lajmëruar një konferencë urgjente në orën 11:30.
