Shoku i shqiptarit të ekzekutuar dje në Itali nga një 45 vjecar italian ka rrëfyer momentin e fundit në jetë në mikut të tij, para se të binte përtokë i larë në gjak.
Mediat italiane shkruajnë se Andrea (Alfred) Ndoja ka qenë në shoqërinë e shokut të vet me emrin Toni, i cili ka qenë duke bërë dush në kohën që dëgjoi të shtënën e armës jashtë banesës.
Ai tregon se ka vrapuar e ka zbritur poshtë dhe ka parë Andrean të mbytur në gjak.
“Më erdhi në krahë, ishte i gjithë i gjakosur dhe më përshpëriti, delet, delet janë kthyer, e pastaj më vdiq ndër duar”, tregon miku i tij.
Ai tregon se gjatë gjithë ditës Andrea ka pasur telefonata shqetësuese, por nuk ka thënë se nga kush.
“Ishte një numër që e telefononte vazhdimisht. I thashë, ma trego se ndoshta e njoh”, ka treguar ai.
