Kryetari i PD-së Lulzim Basha ka bërë sot një autokritikë të fortë, ndërsa ua ka hapur dyert të gjithë kundërshtarëve të tij të larguar nga PD-ja ose jo për bashkim.
Gjatë një fjalimi mbajtur për ish-të përndjekurit politikë, Basha tha se, “Bolshevike është pagabueshmëria e liderit. Edhe unë kam bërë gabimet e mia, nuk jam i pagabueshëm…. Eja Tomorr, ejani të gjithë të bashkohemi në gjirin e PD. Është vendi, institucioni garancia e vetme për të drejtat e pagabueshme dhe me ndjesën time si kryetar i PD për ta lartësuar”.
Në takimin e zhvilluar në Muzeun Kombëtar, kreu demokrat Basha tha se mbi 4500 vetave nuk u janë gjetur eshtrat.
“Shqiptarët kanë bërë një sakrificë të madhe për lirinë. Sakrifica e atyre mijëra të vrarëve e të internuarve për fjalën e lirë për besimin në zot dhe demokraci.
Zhdukja e gjurmëve të krimit më e rëndë se krimi”, u shpreh midis të tjerave kreu i PD-së.
Basha kërkoi ndjesë për mos gjetjen e eshtrave të këtyre viktimave.
“Mos prisni drejtësi nga hetuesit e komunizmit”, tha Basha.
https://www.facebook.com/lulzimbasha.al/videos/1829242010460305/
