Policia e Tiranës ka arrestuar të plagosurin Gentian Hoxha për armëmbajtje pa leje dhe municion luftarak fill pasi kryen një kontroll në servisin e celularëve që shpërtheu dje nga një minë e komanduar me celular.
Gentian Hoxha mbeti I plagosur por sot është prangosur me akuzën e armëmbajtjes pa leje dhe prodhimit te mjeteve shperthyese.
Ndërkaq gjatë kontrollit në servis u gjeten 2 kapsolla ende të paplasura, disa qarqe elektrike, tela elektrik përcjellës dhe një mikroskop që dyshohej se përdorej për montimin e bombave. Sipas policisë në ketë ambient mund të këtë pasur edhe lende tjetër shpërthyese dhe ajo ka shpërthyer gjate incidentit. Një bombe dyshohej se tregtohej 2 mije euro.
Njoftimi i policise:
Në vijim të ngjarjes të ndodhur me datë 12.03.2018, rreth orës 10:30, në rrugën ” Qamil Guranjaku”, u arrestua në flagrancë shtetasi Gent Hoxha , 34 vjeç, banues në Tiranë.
Pasi nga veprimet hetimore të kryera ka rezultuar se në ambjentin dyqan riparim celularesh të ndodhur në përdorim nga ana e tij, dyshohet se po prodhonte një lëndë plasese me fitila detonati, kapsolle në një celular ku dhe ka shpërthyer, si pasojë është vetëdëmtuar rënde shtetasi i mësipërm dhe ndodhet në spital nën kujdesin e mjekëve.
Materiale proçeduriale iu kaluan Prokurorisë së Rrethit Gjygjësor Tiranë për veprën penale ” Mbajtja pa leje dhe prodhimi i armëve, armëve shpërthyese dhe i municionit” parashikuar në Nenin 278/5 i Kodit Penal.
