Prokuroria e Tiranës ka dhënë detaje për arrestimin e administratorit të Universitetit “kristal”
Sipas Prokurorisë Pranë Gjykatës së Shkallës së Parë, Tiranë, mësohet se është regjistruar procedimin penal nr. 741 datë 22. 01. 2018, lidhur me referimin e bërë nga Drejtoria Vendore e Policisë Tiranë, për dyshime në dhënien e diplomave të falsifikuara.
Në kuadër të këtij hetimi, Drejtoria Vendore e Policisë Tiranë, në bashkëpunim me Prokurorinë, kanë arrestuar në flagrance shtetasin Ahmet Mucaj, ish-administrator i Universitetit “Kristal”, për veprën penale “Korrupsioni pasiv në sektorin privat”, parashikuar nga neni 164/b i Kodit Penal, i cili është kapur në kushtet e flagrancës duke i dorëzuar një shtetaseje një diplomë të nivelit “Bachelor”, dega “Drejtësi”, kundrejt marrjes së një vlere monetare.
