Një tjetër shpërthim i fuqishëm eksplozivi ka ndodhur sot në Fier, ku një tjetër godinë 6-katëshe është hedhur në erë rreth mesditës.
Specialistët e IKMT hapën në trupin e tij 400 furnela (vrima) ku vendosën 8 kilogramë lëndë shpërthyese.
Për mbrojtjen e objekteve që ndodheshin pranë nga shpërthimi, u vendosën 3 mijë thasë me rërë.
IKMT u bëri thirrje pronarëve të objekteve pranë objektit që do të prishej të mbanin hapur dyert dhe dritaret për të shmangur dëmtimet nga vala shpërthyese.
IKMT ka prishur këtë godinë sot, në kuadrin e rehabilitimit të lumit Gjanica dhe qendrës së Fierit.
https://www.facebook.com/893685447319839/videos/1773461879342187/
