Policia ndërhyri sonte për të kryer evakuimin e dhjetra udhëtarëve të një autobusi që u mbush me tym ndërsa po përshkonte tynelin e Krrabës. Incidenti ndodhi këtë mbrëmje kur autobusi i mbushur plot me udhëtarë pësoi një defekt teknik.
Pasagjerët ia kanë dalë të zbersin menjëherë prej tij dhe të alarmuar kanë kërkuar ndihmë dhe më pas janë evakuuar për shkak të frikës së ndonjë shpërthimit të mundshëm.
Policia shkoi në vendin e ngjarjes ndërsa autobusi është rimorkuar jashtë tynelit. Fatmirësisht nuk ka persona të lënduar.
