Sonila Meco ka shpërndarë një foto të saj me Francesco Becchettin, pronarin e Agon Channel, i mbyllur në vitin 2015 pas një vendimi të Tatimeve shtyrë nga qeveria Rama.
Në foton që Meço ka bërë publike në Facebook, ajo shkruan se ndodhet atje për histori të vërteta. ‘Në Londër për True Story’, shkruan Sonila Meço në Facebook, duke paralajmëruar ndoshta edhe emrin që pritet të mbajë emisioni i saj në Top Channel, pas largimit të Sokol Ballës në një televizion tjetër.
Sonila Meco është një nga gazetaret më të njohura në vend si moderatore dhe drejtuese e lajmeve dhe vecmas ka spikatur në lidhje direkte nga studio në ngjarje të mëdha apo të bujshme.
Meco ka drejtuar edhe emision televiziv por në intervista të ngushta dhe të jo shumë të gjata ajo ruan ritmin dhe ia del të lërë gjurmë përgjatë bisedës.
