Ish-kryeministri i Italisë, Romano Prodi ndodhet në Tiranë për një konferencë kushtuar integrimit europian të vendit dhe në gjatë paradites ai ka pasur një takim me Presidentin Ilir Meta.Takimin e ka zbuluar Meta me anë të një fotoje që shpërndan në Facebook, ku shkruan se ka vlerësuar idenë e paraqitur prej Prodit për zhvillimin e turizmit në Shqipëri.
“Një mëngjes pune me mikun e shqiptarëve, profesor Romano Prodin, me të cilin diskutuam për marrëdhëniet e shkëlqyera mes dy vendeve tona e të ardhmen europiane të Shqipërisë. I drejtë propozimi i mikut tonë për të ndërtuar një simbol të turizmit shqiptar, që do promovonte edhe më fuqishëm rritjen cilësore të turizmit e përfitimeve.”
