Një 37-vjeçare ka humbur durimin para bankomatit në pritje të kthimit të parave të kërkuara kur aparati ka vonuar të kthejë përgjigje për shumën. Ajo është larguar pak për t’u futur brenda në bankë e për të raportuar problemin, por lekët kanë dalë dhe një person që ka qenë aty pranë ka përfituar dhe i ka marrë duke u larguar me shpejtësi.
Njoftimi i Policisë:
Më datë 03.11.2017, shtetasja N.C, vjeç 37, ka bërë kallëzim se më datë 24.10.2017, në rrugën “Bulevardi Blu”, pasi ka kryer veprimet për të tërhequr nje shume lekesh në bankomatin e nje banke Kamëz, ka shkuar brenda bankës për të sqaruar pasi bankomati nuk kishte kryer transaksionin dhe për një moment, një person i panjohur vjen në bankomat për të kryer veprime dhe është larguar shumë shpejt prej tij. Punohet për identifikimin e kapjen e autorit. Neni 134 i Kodit Penal.
