“Të ndërrohet trupa gjyqësore”, kjo është ajo që kanë kërkuar avokatët e Denis Shtrazës, i akuzuar për vrasjen e Gazmend Çollakut në janar 2016. Kërkesa është bërë gjatë seancës së kësaj të enjte. Avokatët akuzojnë gjyqtarët për qëndrime të njëanshme në procesin ndaj Shtrazës.
Ndërkohë javën e ardhshme do të dëshmojnë në gjykatë ekspertët që kanë bërë analizën e ADN-s së gjurmëve të gjakut të gjetur në automjetin ku u ndalua Shtraza e Dalipaj. Gjithashtu, Shtraza ka kërkuar edhe ballafaqimin me ekspertin gjerman që analizio navigatorin e automjetit me të cilin ka lëvizur Denis Shtraza në momentin e rrëmbimit dhe vrasjes së Gazmend Çollakut.
Vrasja e Çollakut, avokatët e Shtrazës kërkojnë ndërrimin e trupës gjyqësore
