Dekani i Fakultetit të Ekonomisë, Dhori Kule, ka përfundur dhënien e dëshmisë mbi çështjen “Shullazi”. Kule ishte dëshmitari i parë VIP që mbaroi dëshminë e tij, dhe është larguar nga ambientet e gjykatës. Ndërkohë, në gjyq janë dhe ish-ministri Saimir Tahiri, kryepolici Haki Çako dhe deputeti Shezai Rrokaj, të cilë pritet të dëshmojnë mbi këtë çështje. Ndërsa ende nuk i janë përgjigjur fletëthirrjes së prokurorit Mynyr Koni, Klodeta Dibra dhe Majlinda Keta. Prej muajit Prill 2016 Shullazi mbahet në qeli ndërsa veç dyshimeve për kërcënim të akademikut Koni Prokuroria e akuzon dhe për krime të tjera përfshi dhe krijimin e grupit të strukturuar kriminal.
