Një aksident i rëndë, vdekjeprurës ka ndodhur pasditen e sotme në Lecce të Italisë. Një italian ka humbur jetën, ndërsa një shqiptar ndodhet në gjendje të rëndë.
Sipas medieve italiane, mësohet se viktima është 88-vjeçari Giovanni Errico, ndërsa shqiptari i plagosur është me iniciale G. E., 54 vjeç.
Aksidenti ka ndodhur në rrugën LecceFrigole, ku është përplasur makina tip Fiat “Palio Station Wagon”, që drejtohej nga 54-vjeçari shqiptar dhe një Hyundai “Atos” që drejtohej nga italiani.
Përplasja ka qenë e fuqishme dhe i moshuari ka humbur jetën në vend, ndërsa shqiptari është transportuar me urgjencë në spital në gjendje të rëndë.
