Një 28-vjeçar nga Skrapari po hetohet në gjendje të lirë, pasi akuzohet se ka marrë me forcë në automjetin e tij një vajzë, të cilën e ka kërcënuar të pranojë me detyrim martesën me të.
Ngjarja është denoncuar nga vajza me inicialet L. Sh.
Njoftimi i plotë i Policisë
Më datë 05. 08. 2017, filloi procedimi penal në gjendje të lirë për shtetasin: L. T., 28 vjeç, banues në Skrapar, pasi në bazë të kallëzim të bërë nga shtetasia L. Sh., 20 vjeçe, banuese në Skrapar, dyshohet se shtetasi L. T., e ka marrë me forcë pa dëshirën e saj në mjetin e tij dhe e ka shtrënguar për martesë. Materialet i kaluan Prokurorisë së Rrethit Gjyqësor Berat, për veprat penale “Heqja e paligjshme e lirisë” dhe “Shtrëngim apo pengim për të bashkëjetuar ose për të lidhur apo zgjidhur martesë”, parashikuar nga nenet 130 dhe110 të Kodit Penal.
