Një vrasje me armë zjarri ka ndodhur në Tiranë. Paraprakisht mësohet se ngjarja e rëndë ka ndodhur te “Xhamlliku” në mesdite, në kryeqytet dhe viktima është një gjyqtare e Gjykatës së Shkodrës, e identifikuar si Fildes Hafizi (Kasemi) 39 vjeçe.
Raportohet se burri i identifikuar si Fadil Kasemi, 53 vjeç, ka vrarë me armë zjarri gruan e tij dhe më pas është kapur nga policia.
Në momentin krimit, gruaja ndodhej në një automjet, tip “Benz” C Class, ngjyrë gri, me targa AA 880 OS, i parkuar në anë të rrugës, përballë një salloni bukurie. Prej vitit 2015, viktima kishte marrë disa urdhra mbrojtje nga gjykata. DRONI.al
