Në Dropull ka ende fëmijë që me lëmoshën e besimtarëve u krijohet mundësia që të ndjekin arsimin e detyrueshëm pasi nuk e përballojnë dot. Familje të shumta jetojnë në kushte mjerimi dhe ndihmohen me ilaçe dhe shportën ushqimore. Sipas komunikatës së kishës lokale “Pareliksi i Shenjtores Parashqevi”, plot 15 fëmijëve u janë krijuar kushtet për vazhdimin e shkollës dhe për ndjekjen e ekskursioneve. Madje numri i famikjeve qe gjejnë mbështetje nga kisha e komunitetit ka shkuar ne 120. Me anë te kursimeve që besimtarët lënë në kishë janë bërë të mundur dhe disa mangësira të tjera siç janë: pikturimi i afreskeve brenda kishës, rikonstruktimi i mureve, mbjellja e pemëve dhe dekorimi me bimë zbukuruese.
