Një aksident rrugor me një të vdekur ka ndodhur mbrëmjen e sotme në Lushnjë.
Aksidenti mësohet se ka ndodhur rreth orës 21:10, në fshatin Ngurrëz e Madhe. Ka qenë B. Ç., 57 vjeç, banues në Ngurrëz, i cili duke drejtuar mjetin tip zetor është përplasur me një motoçikletë që drejtohej nga Q. Ç,, 76 vjeç, banues po në fshatin Ngurrëz, Lushnje.
Q. Ç., ka ndërruar jetë rrugës për në spital, bëjnë me dije burime zyrtare nga Policia.
Nga ana e Policisë është shoqëruar B. Ç., dhe po punohet për zbardhjen e shkakut të aksidentit.
