SHBA, personi më i lumtur në botë, i pari që fiton lotarinë prej 758,7 milionë dollarësh

Këtë vit është arritur vlera më e lartë e fitimit të një bilete lotarie, duke kapur vlerën e 758.7 milionë dollarëve.
“Çmimi i madh i Powerball prej 758,7 milionë dollarëve u fitua nga një biletë e vetme në Masaçuset, vlera më e madhe në histori për një biletë të vetme”, shkruan në Twitter “Powerball USA”, duke shtuar se dhe katër bileta të tjera kishin kapur vlerën e mbi një milion dollarëve.
Pronari i biletës fituese, e kishte blerë në një dyqan në qytetin e Chicopee (verilindje) dhe mund të paraqitet kur të dojë brenda vitit për të tërhequr paratë.
Sipas “Powerball USA”, ai mund të zgjedhë që të marrë shumën e fituar me këste për 30 vite, ose të marrë një shumë unike prej 480,5 milionë dollarë, gjë që preferohet më shumë nga fituesit.