Pesë oficerë policie që patrullonin me helikopter kanë dalë përpara gjyqit pasi filmuan një çift duke kryer marrëdhënie seksuale.
Ngjarja ka ndodhur në Sheffield të Britanisë së Madhe. Pas një gjyqi 3-javor, oficerët e policisë Matthew Lucas 42 vjeç, Lee Walls 47 vjeç dhe pilotët Matthew Loosemore 45 vjeç e Malcolm Reeves 64 vjeç u liruan nga të gjitha akuzat. Ndërsa polici i pestë që filmoi, Adrian Pogmore 50 vjeç pranoi fajin dhe kërkoi falje.
Çështja gjyqësore u hap pasi një video 8 minutëshe u bë publike, ku shfaqej një çift që kryente marrëdhënie. Por, prokurori i çështjes tha se ishte rastësi që helikopteri kishte fluturuar përreth kopshtit të çiftit.
Si për rastësi, i njëjti helikopter ishte përdorur në vitin 2008 për të filmuar një çift që rrinte lakuriq.
