Këngëtarja e njohur shqiptare, Eli Fara i ka shpëtuar sot tërmetit që ra në ishullin Kos në Greqi ndërkohë që po vijonte pushimet e saj atje. Eli fara ka qenë në ishullin Kos në Greqi kur u ndje tërmeti i fuqishëm 6.7 ballë, i cili shkaktoi dy viktima dhe qindra të plagosur.
Në një postim në Instagram, këngëtarja njofton se është shëndoshe e mirë dhe nuk ka pasur asgjë nga tërmeti.
“Shpëtuam nga tërmeti” shkruan Fara në Instagram.
Këngëtarja ndodhet me pushime bashkë me familjen e saj në një prej hoteleve në këtë ishull.
Pak më herët edhe ambasada shqiptare në Greqi komunikoi se nuk ka persona shqiptarë të lënduar nga tërmeti që ra sot në Greqi.
