TIRANË/Fasadat e pallateve, mbi 50 administratorë aplikojnë për fonde

Mbi 50 administratorë pallatesh kanë aplikuar për të përfituar nga fondi për komunitetin.

Sipas bashkisë së Tiranës, nga nisja zyrtare e aplikimeve më 15 maj dhe aktualisht është shpallur fitues vetëm një pallat në rrugën “Medar Shtylla”.

Po çfarë kërkojnë të ndryshojnë banorët?

“interes më i lartë për fasadat e ndërtesave dhe sidomos për pajisjen e tyre me termoizolim. Një pjesë e marre e ndërtimeve të Tiranës janë bërë pa kriteret të eficencës së energjisë dhe në këto ditë të nxehta apo edhe në ditët e ftohta të dimrit njerëzit e kuptojnë se sa i rëndësishëm është termoizolimi dhe se sa shumë kursen apo edhe në përmirësimin e kushteve të jetesës”, shprehet Enkelejd Musabelliu, drejtor i zhvillimit ekonomik, bashkia Tiranë.

Si mund të aplikojnë në Bashkinë e Tiranës administratorët, që me kërkesën e banorëve duan tjetërsimin e pallateve nga jashtë?

“Administratori sjell një projektpropozim, kur shpallet fituese ideja një arkitekt në bashki harton projektin dhe pastaj disbursohet nga bashkia. Aplikimet bëhen në 3 javët e para të muajit, ndërsa në javën e katërt shpallet fituesi”, thotë Musabelliu.

Fondi total i këtij projekti është 200 mln lekë të vjetra, ku bashkia paguan një pjesë të shpenzimit, ndërsa pjesën tjetër banorët. sipas parashikimit, për këtë vit do të shpallen 10 projekte fituese, për t’u çelur sërish vitin e ardhshëm.

“Kemi nga të dy llojet aplikime, nga pallatet e vjetra, por edhe nga të rejat e ndërtuara para 10-15 vitesh që kanë fasadat me tulla të kuqe”, shprehet Enkelejd Musabelliu. Top Channel

/DRONI.al/