Hedhja e 19 vjeçares, dëshmon i dashuri i saj në polici

Policia ka shoqëruar të dashurin e vajzës 19-vjeçare, e cila i dha fund jetës duke u hedhur nga kati i tetë i pallatit ku banonte.
Në momentin e shoqërimit në policia, i dashuri i saj Artur Çala, 33 vjeç, ka qenë në gjendje të rëndë psikologjike.
“Ajo vetëm qante, nuk e kuptoja dot se çfarë kishte”, – ka thënë ai para policisë në gjendje të tronditur.
Fqinjët e çiftit thonë se ata ishin problematikë, dhe ziheshin shpesh me njëri-tjetrin. Nuk dihen ende rrethanat sesi ka ndodhur ngjarja, por dëshmia e 33-vjeçarit pritet të hedhë më shumë dritë mbi të.