Fotoarkiv
Një aksident i rëndë ka ndodhur sot pasdite në Vorë ku një veturë është përlasur me një kamion. “Më datë 29.06.2017, rreth orës 15:55, në rrugën dytësore, Vorë – Tiranë, ka ndodhur një përplasje midis një kamioni dhe një autoveture, ku drejtuesi i autoveturës tip Ford, shtetasi S. Sh., 35 vjeç, ka gjetur vdekjen e menjëhershme si pasojë e forcës së goditjes.
Nga hetimet paraprake është mësuar se kamioni ka qënë i parkuar jashtë rruge dhe drejtuesi i automjetit tip Ford, dyshohet se ka humbur kontrollin e automjetit dhe si pasojë e shpejtësis tej normave të lejuara është goditur me kamionin duke e spostuar atë me rreth 10 m.
Shërbimet e zjarrfikses bënë të mundur nxjerrjen e trupit pa jetë nga mjeti.
Grupi hetimor po punon për sqarimin e plotë të rrethanave të ngjarjes”, thuhet në njoftimin e policisë.
