Në nisje të sezonit turistik zona e Vlorës po përballet edhe këtë vere me mungese uji, ç’ka dëmton rëndë turizmin. Në vitin 2017 turistët dhe vendasit qëndrojnë me mbi 10 orë pa ujë edhe pse paguajnë për këtë shërbim.
Një biznesmeni në zonën e Ujit të Ftohtë “i ka ardhur në majë të hundës” me Ndërmarrjen e Ujësjellësit që varet nga Bashkia e Vlorës.
Ai ka bërë një denoncim te “Nisma Thurje” ku shprehet se ka 10 turistë nga Ukraina që kërkojnë të ikin në Greqi pasi “Uji Ftohtë” në Vlorë ka mbetur pa ujë.
Sipas tij ka tentuar të telefonojë UKV por në uebsajtin zyrtar i shfaqet një numër amerikan.
Denoncimi i plotë i biznesmenit F. Brahimaj
“U ben gati 10 ore qe zona e Ujit te Ftohte ne Vlore eshte pa uji . Kam nje biznes turistik dhe disa klient nga Ukrahina po kerkoj te ikin per ne greqi. Kerkoj numrin e ujesjellesit te faqja e tyre dhe me del nje numer amerikan. A mos valle furnizohemi me uje nga New York??? A mund te kete dicka qe funksionon ne kete vend ku taksat i paguajme si ne Amerike por sherbimet i marrim si ne Afrike?”.
