Policia e Shkdorës ka bërë ët ditur se sot, rreth orës 11:30 në vendin e quajtur kryqëzimi i Zdrales, ka ndodhur një përplasje e lehtë ndërmjet dy automjeteve që drejtoheshin nga Q. H., 61 vjeç banues në Dobraç, Shkodër dhe G. Ç., 60 vjeç banues në Perash, Shkodër.
Pas kësaj përplasje, këta persona kanë filluar të konfliktohen me njëri – tjetrin, ku menjëherë kanë ndërhyrë shërbimet e Policisë së Shkodrës të cilët kanë bërë shoqërimin e tyre për sqarimin e situatës.
Konflikti në fjalë, është shfaqur në disa media duke e lidhur këtë konflikt për motive politike.
Policia e Shkodrës sqaron se nga veprimet e kryera nga ana e Policisë, rezulton se konflikti ka ardhur si pasojë e fërkimit të automjeteve dhe nuk ka lidhje me procesin zgjedhor.
