Kreu i LSI-së, Petrit Vasili ka shpjeguar padinë që ka bërë partia e tij ndaj kryeministrit Edi Rama.
Nëpërmjet një postimi “Facebook”, Vasili ka shpjeguar se padia ndaj Edi Ramës është bërë sepse nuk ka “dy drejtësi”.
Postimi i plotë i Petrit Vasilit në “Facebook”
Më kanë pyetur se pse shkuam në padi ndaj kryeministrit për thirrjen e punonjësve të Policisë së Shtetit për pjesëmarrje në fushatë elektorale edhe pasi ai kërkoi ndjesë publike. Ja pse: Sepse nuk ka dy drejtësi.
Një drejtësi për kryeministrin që e kalon me një “më fal” dhe një drejtësi tjetër për specialistin e thjeshtë të një ndërmarrjeje publike, i cili mund të jetë pushuar menjëherë nga puna për një foto të gjetur diku nga Task-Forca me të cilën po bashkëjetojmë në kushte të panatyrshme.
