Presidenti i Republikës së Shqipërisë Bujar Nishani ka shkruar një status në profilin e tij në facebook për 5-vjetorin e zgjedhjes së tij në këtë post.
Nishani ka shprehur mirënjohje të thellë për të gjithë ta që e kanë votuar dhe besuar.
STATUSI I PLOTË
Si sot, 5 (pesë) vite më parë, Kuvendi i Shqipërisë më besoi duke më zgjedhur Presidentin e Republikës.
11 Qershor i 2012, më ngarkoi një përgjegjësi të madhe dhe më ofroi Nderin më të madh që mund të ketë një njeri në jetën e tij si shërbyes i vendit.
Sot, dëshiroj t’ju shpreh falënderimin tim më të sinqertë atyre që më propozuan dhe më nderuan.
Sot, dëshiroj t’ju shpreh mirënjohjen më të thellë të gjithë atyre që më votuan dhe më privilegjuan me besimin e tyre.
Lutem që të gjithë ata të mos i kem zhgënjyer.
Ju faleminderit!
