Një 58 vjeçar është ekstraduar nga Gjermania në Shqipëri prej Interpolit dje për të vuajtur dënimin e dhënë nga gjykata e Tiranës më 25 shkurt 2015 prej 3 vjetësh e 8 muajsh burg.
Policia gjermane e arrestoi shtetasin Klisman Nano në Mynih.
Akuza ndaj tij është: “Prodhim dhe shitje narkotikësh”, parashikuar nga neni 283/1 i Kodit Penal.
Klisman Nano, mbrëmjen e 1 tetorit 2010 ishte kapur nga policia në bulevardin “Zhan Dark” në Tiranë me një qese të mbushur me 63 gr heroinë, që ia shiste personave të tjera.
Si rezultat i bashkëpunimit të Interpol Tiranës me Interpol Wiesbaden, u bë i mundur arrestimi i tij në Gjermani dhe ekstradimi.
Trafikanti i shpëtoi drejtësisë shqiptare, por e pëson keq në Gjermani
