Gjatë një takimi me dyer të mbyllura, ministri teknik i Shëndetësisë Arben Beqiri mësohet se ka shkarkuar nga detyra e Drejtorit të Spitalit Rajonal Berat, Idlir Frashërin.
Në vend të tij është emëruar Asqiri Vasili.
Ky vendim i ministrit vjen pasi policia nisi hetimet për Frashërin, pasi dyshohet se ka blerë vota për llogari të një partie politike.
Ai akuzohet për veprat penale të “Korrupsionit aktive në zgjedhje” dhe “Përdorimi i funksionit publik në veprimtari politike ose zgjedhore”,
Nën hetim për të njëjtat akuza është vënë edhe Gledion Rehovica, kandidati për deputet i LSI-së në Berat, i cili renditet i dyti në listë.
Frashëri, në bashkëpunim me disa punonjës të këtij spitali dhe deputetin e zonës Gledion Rehovica, kanë konsumuar elementët e veprës penale të “Korrupsionit aktive në zgjedhje” dhe “Përdorimi i funksionit publik në veprimtari politike ose zgjedhore”, njoftoi dje policia.
