Dy fëmijët amerikanë, të zhdukur prej disa ditësh në Tiranë dhe të gjetur dje, kanë rrëfyer në Polici, dhunën që nëna e tyre, ushtronte ndaj tyre.
Sipas pohimit të tyre në Polici, mësohet se, rreth dy javë më parë, djali i vogël pretendon se është kapur nga koka nga nëna e tij, shtetasja amerikane, Andrea Grace Bailey-Kay, 47 vjeçe, banuese në Tiranë dhe është përplasur në tokë.
Ndërsa rreth një jave më parë ose saktësisht dy ditë para se të largoheshin nga banesa e tyre, Tajg dhe Tavish kishin marrë disa ushqime pa lejen e nënës së tyre dhe ajo, pasi e kishte marrë vesh, sipas pretendimeve të fëmijëve, dy të miturit janë rrahur nga nëna e tyre me rrip brezi në pjesët e siperme të kofshëve. DRONI.al
Njoftimi i plotë i Policisë
Më datë 05. 06. 2017, Specialistët e Komisariatit të Policisë Nr 1, kanë arrestuar shtetasen:
– Andrea Grace Bailey-Kay, 47 vjeçe, banuese në Tiranë
Kjo shtetas e më datë 31.05.2017, është paraqitur në Komisariatin e Policisë Nr 1, duke kallëzuar se dy fëmijët e saj të mitur, T. M. B. dhe T. T. B., që nga data 30.05.2017, janë larguar nga banesa.
Shërbimet e Rendit të Komisariatit Nr 1, kanë gjetur duke lëvizur në afërsi të Kopshtit Zologjik, shtetasit e mitur të sipër përmendur.
Nga marrja në pyetje në prezencë të psikologes, fëmijët kanë deklaruar se janë larguar nga banesa si pasojë e dhunës që nëna ushtronte ndaj tyre.
Në bazë të kallëzimit të marrë nga fëmijët dhe konsultimit me Prokurorin u bë arrestimi në flagrancë i kësaj shtetaseje.
Materialet procedurale do ti kalojnë Prokurorisë pranë Gjykatës së Shkallës së Parë Tiranë, për veprën penale “Keqtrajtimi i të miturve”, parashikuar nga Neni 124/b i Kodit Penal.
